Дар доираи сафари корӣ аз ҳолати рафти корҳо дар самти омодагӣ ба кишти зироатҳо, коркарди боғу токзорҳо, омодагии пойгоҳҳои обкашӣ ва техникаҳои кишоварзӣ дидан намуданд.

Зимни мулоқоту вохӯриҳо Муовини Сарвазири Ҷумҳурии Тоҷикистон муҳтарам Зиёзода Сулаймон ва Вазири кишоварзии Ҷумҳурии Тоҷикистон муҳтарам Ҳакимзода Қурбон ба тамоми масъулини соҳаҳои хоҷагии қишлоқи ноҳия ҷиҳати иҷрои саривақтии дастуру супоришҳои Пешвои муаззами миллат муҳтарам Эмомалӣ Раҳмон барои истифодаи самараноки обу замин, истифодаи тухмиҳои хушсифат, омодасозии техникаҳои кишоварзӣ, бунёду барқарорсозӣ ва коркарди боғу токзорҳо, риояи тамоми талаботҳои агротехникии зироатҳо ва ба даст овардани ҳосили фаровон, ноил гаштан ба яке аз ҳатафҳои стратегӣ - таъмини амнияти озуқавории мамлакат ва таъмини бозорҳо бо маҳсулоти тару тоза, бо истифода аз ҳамаи имкониятҳои мавҷуда ҷиҳати зиёд намудани кишти картошка, пиёз ва сабзӣ дастуру супоришҳои мушаххас доданд.

Маркази матбуот ва иттилооти Вазорати кишоварзии Ҷумҳурии Тоҷикистон