ТАҶЛИЛИ “ИДИ КАДУ, ХАРБУЗА ВА ТАРБУЗ”
Вазорати кишоварзии Ҷумҳурии Тоҷикистон санаи 30.08.2020 бо мақсади иҷрои Амри Президенти Ҷумҳурии Тоҷикистон доир ба баргузории фестевал, намоиш, ид ва озмунҳои анъана ва ҳунарҳои мардумӣ дар Ҷумҳурии Тоҷикистон дар ҶСП «Маркази савдои Истиқлол» бозори «Меҳргон» маросими «Иди каду, харбуза ва тарбуз» -ро бо шукўҳу шаҳомати хоса таҷлил намуд.
Дар маросими “Иди каду, харбуза ва тарбуз” муовини Сарвазири Ҷумҳурии Тоҷикистон Давлатшо Гулмаҳмадзода, Вазири кишоварзии Ҷумҳурии Тоҷикистон Салимзода Амонулло Файзулло, Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Абдуҷаббор Раҳмонзода, муовини Раиси шаҳри Душанбе Ҷамшед Гуреззода ва дигар намояндагон аз Академияи илмҳои кишоварзии Ҷумҳурии Тоҷикистон, Донишгоҳи аграрии Тоҷикистон ба номи Ш.Шоҳтемур, сокинону меҳмонони пойтахт иштирок намуданд.
Фазои сулҳу суботи идона, ташрифи меҳмонон ва шаҳрвандон рўҳияи болидаву хушбахтонаи пиру барно ба ҷашни мазкур зебогии зиёд зам менамуд. Саҳни ҷашнвора бо се манораи боҳашамат аз каду, харбуза ва тарбуз оро дода шуда, дар он тамоми навъҳои гуногуни каду, харбуза ва тарбуз дида мешуд, мизҳои хони меҳмонӣ бо омодаи хӯрокҳои миллӣ аз каду ба мисли ширкаду, кадубирён, фатирмасска ва шириниҳои мураббо ва афшураҳои каду, харбуза ва тарбуз, нонҳои миллӣ ба марази тамошобинон гузошта шуда буд.
Намояндагони Вазорати кишоварзӣ маросими “Иди каду, харбуза ва тарбуз”-ро ифтитоҳ намуда, сипас муовини Сарвазири Ҷумҳурии Тоҷикистон Гулмамаҳмадзода Д. дар баромади табрикотии хеш иброз намуд, ки мақсад аз таҷлили Иди мазкур, пеш аз ҳама, таъминӣ сокинон ва меҳмонони пойтахт бо маҳсулоти ватанӣ ва рушди соҳаи мазкур мебошад.
Дар индомаи ҷашн барои иштироки фаъолона дар “Иди каду, харбуза ва тарбуз-2020” ва бахшида ба 29-солагии Истиқлолияти давлатии Ҷумҳурии Тоҷикистон ба якқатор кишоварзони аз рӯи наминатсияҳо диплом, сипоснома ва тӯҳфаҳои хотиравӣ тақдим карда шуд.
Дар радифи баргузории “Иди каду,харбуза ва тарбуз” ярмарка-фурўши маҳсулоти кишоварзӣ аз ҷорниби сарраёсат, раёсат ва шуъбаҳои кишоварзии ҷумҳурӣ бо нархҳои арзон манзури иштирокчиён гардонида шуд, ки сокинону меҳмонони пойтахт аз он харидорӣ намуданд.
